Grisará

Það eru komnir þrír hvolpar í heiminn.  Tveir þeir fyrstu komu snemma í morgun eftir langa bið, svartir rakkar og sprækir.  Þegar komið var fram yfir hádegi og ekkert bólaði á fleirum fór Silla með Eyju til fjármálaráðherra -- uh -- dýralæknis og hún risti á kviðinn og dró þann síðasta út.  Það var líka svartur rakki.  Hann er stærri en hinir og var búinn að flækja sig í legið og hefði líkast til aldrei komist út af sjálfsdáðum.

Nú er spurning hvort Silla notar tillögu Gauja að nöfnum á þá:  Hressir, Bætir og Kætir.